Advaitamoda 5.8

5.8

1) iti pūrvaprakramānurodhena nirviśeṣāsaṅgabrahmaiva śrutitātparyaviṣayībhūtam | tathā cāsya nirvikalpakatvaṃ siddham
anumitistu vyāpyavyāpakayordvayormadhye vyāpyena vyāpakasya jñānam | yathā
dhūmenāgneḥ | yathā vāsya dṛśyamānasya jagato
brahmabhinnatvena mithyātvaṃ jñāyate | tatkaraṇamanumānam
vane gavayaṃ dṛṣṭvā tatra gosādṛśyaṃ jñātvā yadgavi gavayasādṛśyaṃ jñāyate sopamitiḥ | sādṛśyajñānasyaivopamititvāt | tatkaraṇaṃ gosādṛśyajñānaṃ tadevopamānam
upamānam neyamupamitiḥ pratyakṣāntargatā | gorasaṃnikarṣāt
nāpyanumitiḥ | hetubhūtasya gosādṛśyasya gavayaniṣṭhatvena sādhyasya ca gavayasādṛśyasya goniṣṭhatvena hetusādhyayoḥ sāmānādhikaraṇyābhāvāt | vyāptismṛtyāderatrānapekṣaṇācca
padasamūho vākyam | tasmājjāyamānaṃ jñānaṃ śābdam | tatkaraṇaṃ śabdaḥ | tatra
vedasyeśvarapraṇītatvātprāmāṇyam | sṛṣṭyārambhe parameśvareṇa pūrvasargasiddhavedānupūrvīsamānānupūrvīko vedo viracyate | smṛtipurāṇāśābdajñānam dīnāṃ tu vedamūlakatve prāmāṇyam | vedaviruddhārthakānāṃ tu na prāmāṇyam | aviruddhārthakānāṃ
tanmūlabhūtavedajñāne tu tadarthakaṃ vedyanumāya prāmāṇyaṃ kalpanīyam | tātparyānupapattau lakṣaṇyā'nyārthapratipādakatve'pi prāmāṇyamastyeva | yathā “ tattvamasi ”
( chā0 6