Advaitamoda 5.8-2

5.8-2

5 ) iti
śruteḥ | draṣṭavyaḥ, ahaṃ brahmetyevaṃ sākṣātkāraṇīyaḥ
tadupāyaḥ śrotavya ityādinoktaḥ śravaṇādiḥ
śravaṇaṃ nāma vedāntavākyānāmadvitīye brahmaṇi tātparyaniścayaḥ | śrutārthasyopapaktibhiścintanaṃ mananam | vijātīyapratyayatiraskāreṇa sajātīyapratyayapravāhīkaraṇaṃ
nididhyāsanam | taduktamśabdaśaktiviṣayaṃ nirūpaṇaṃ yuktiruḥ śravaṇamucyate budhaiḥ
vastutattvaviṣayaṃ nirūpaṇaṃ yuktito mananamityudīryate
cetasastu citimātrāśeṣatā dhyānamityabhivadanti vaidikāḥ
antaraṅgamidamityudīritaṃ tatkuruṣva paramātmabuddhaye || iti
tatra vedāntavākyānyadvitīye brahmaṇi pramāṇaṃ na veti saṃśayaḥ śravaṇena nivarttate | mananena tvaneke saṃśayā nivarttante | te yathā-prapañcaḥ satyo mithyā vā,
ātmā''nandasvarūpo na vā, ātmā dehātirikto na vā, jīvasya paramātmanā
sahaikyaṃ saṃbhavati na vā, ātmajñānaṃ mokṣasādhanaṃ na vā, mokṣasādhanatve'pi karmasamuccitaṃ tanmokṣasādhanamathavā kevalam, ātmā jñānasvarūpo vā jñānaguṇako
vetyādayaḥ | mananaṃ hi tarkātmakam | yadi prapañcaḥ satyaḥ syāttarhyadvitīyaśrutivirodhaḥ syāditi tarkeṇa prapañce satyatvadhīrnivarttate | ātmānandasvarūpo na syāccettatprāptaye na
ko'pi vyāpriyeteti tarke ātmana ānandarūpatāyāṃ
pramāṇam | deha evātmā cejjanmāntarābhāvena kṛtanāśākṛtābhyāgamaprasaṅgaḥ | jīvabrahmaṇorbhede " tattvamasi" ( chā0 6