Aphorisms on Brahman 13.28

Brahmasūtrabhāṣya of Bhāskara 13.28

Language: Sanskrit

13.28

prāṇasaṃvāde śrūyate na ha vā evaṃvidi kiñcanānannaṃ bhavatīti | śamādivat prāṇādyaṅgatayā sarvvānnabhakṣaṇaṃ vidhīyate kiṃ vā stutyarthaṃ kīrtyata iti saṃśayaḥ | vidhisambhave stutimātramanarthamiti prāpta ucyate | stutiriyaṃ varttamānāpadeśāt | na sa pāpaṃ ślokaṃ śṛṇotīti vat | na cāśrutavidhikalpane nimittamasti | sarvaśarīravarttinaḥ prāṇasya sarvamannamiti dṛṣṭirvidhīyate | na cāśvādimaryādamannaṃ mānuṣyeṇa śarīreṇa upabhoktuṃ śakyam | ataḥ stutimātram | tadidamāha sarvvānnonumatiśca prāṇātyaye | anumatiranujñānaṃ kaṣṭāyāmāpadi darśanāt atyaye sati bhakṣaṇadarśanāccākrāyaṇaṛṣiribhyocchiṣṭabhakṣaṇaṃ kṛtavāniti |

Previous: 13.27
Next: 13.29
Up: 13

Linked texts (1)

Brahmasūtra — Bādarāyaṇa, Sanskrit