Aphorisms on Brahman 3.7

Brahmasūtrabhāṣya of Bhāskara 3.7

Language: Sanskrit

3.7

arbhakamalpamoko nīḍamāyatanaṃ yasyāsāvarbhakaukāstasya bhāvastattvaṃ tataḥ paricchinnāyatanatvādeṣa me ātmāntarhṛdaya iti khaśabdena ca vyapadeśādaṇīyāniti jīva evopāsyo na sarvagataḥ paramātmeti cet | naitadevam | alpaparimāṇahṛdaye nicāyyatvādevaṃ vyapadiśyata na sarvagatanivṛttyartham | aṇīyastvaṃ ca sūkṣmatvavivakṣayā na parimāṇālpatayā jyāyān pṛthivyā ityuttaraśrutivirodhāt | yathā ca sūcīpāśāpekṣayā kāśālpatvaṃ vyapadiśyate tadvat |

Previous: 3.6
Next: 3.8
Up: 3

Linked texts (1)

Brahmasūtra — Bādarāyaṇa, Sanskrit