Aphorisms on Brahman 232.1

232.1

(ve0pā0sau0) brahmaprāptirvidyātaḥ “brahmavidāpnoti parami”tyādiśabdāditi bhagavānbādarāyaṇo manyate |
śrī 6 śrībhagavannimbārkaviracita-vedāntapārijātasaurabhākhya-brahmasūtravākyārthaḥ | asakṛt sādhanāvṛttiḥ karttavyā “śrotavyo mantavyo nididhyāsitavya” ityādibrahmadarśanāyopadeśāt |
(ve0pā0sau0) “vāṅmanasi sampadyate” iti vāgindriyasya manasi saṃyogarūpā sampattirucyate, vāgindriye uparate'pi manaḥpravṛttidarśanāt “vāṅmanasi sampadyate” iti śabdācca |
(ve0pā0sau0) eka eva mārgo'rcirādirjñeyo'tastenaiva vidvāṃso gacchanti “arciṣamevābhisambhavanti arciṣo'haraha āpūryamāṇapakṣamāpūryamāṇapakṣādyān ṣaḍudaṅṅeti māsāṃstānmāsebhyaḥ samvatsaraṃ samvatsarādādityamādityāccandramasaṃ candramaso vidyuttaṃ tatpuruṣo'mānavaḥ sa etān brahma gamayati eṣa devapatho brahmapatha etena pratipadyamānā imaṃ mānavamāvartta nāvarttante” iti chāndogye “te'rciṣamabhisambhavanti arciṣo'haraha āpūryamāṇapakṣamapūryamāṇapakṣādyān ṣaḍudaṅṅāditya eti māsebhyo devalokaṃ devalokādādityamādityādvaidyutaṃ eti vaidyutātpuruṣo'mānava etya brahmalokāngamayatī”ti bṛhadāraṇyake'nyatrāpi tathaiva prasiddheḥ |
(ve0pā0sau0) jīvo'rcirādikena mārgeṇa paraṃ sampadya svābhāvikena rūpeṇāvirbhavatīti “paraṃ jyotirupasampadya svena rūpeṇābhiniṣpadyate” iti vākyena pratipādyate, svenetiśabdāt |