Aphorisms on Brahman 232.14

232.14

(ve0pā0sau0) vidyāstutaye viduṣaḥ “kurvanneveha karmmāṇī”ti karmmānujñā kriyate |
(ve0pā0sau0) puṇyasya kāmyakarmmaṇo'pi aghavānmuktivirodhi-
tvāduttarasyāśleṣaḥ, pūrvasya vināśa eva | uttarapūrvayoraśleṣavināśānantaraṃ dehapāte sati muktireva |
(ve0pā0sau0) tejaḥprabhṛtibhūtasūkṣmāṇi parasminsampadyante | “tejaḥ parasyāṃ devatāyāmi”tyāha śrutiḥ |
(ve0pā0sau0) arcirādigaṇaḥ pratīkālambanavyatiriktān parabrahmopāsakān brahmātmakatayā'kṣarasvarūpopāsakāṃśca paraṃ brahma nayati | kutaḥ ? ubhayathā doṣāt | kāryyopāsakānnayatītyatra “asmāccharīrātsamutthāya paraṃ jyotirupasampadye”tyādiśrutivyākopaḥ syāt | paropāsīnāneva nayatīti niyame tu “tadya itthaṃ vidurye ceme'raṇye śraddhāṃ tapa ityupāsate te'rciṣamabhisambhavantī”ti śrutivyākopaḥ syāt | tasmā“dyathākraturasmilloke puruṣo bhavati tathetaḥ pretya bhavatī”tyādiśrutestatkratustathaiva prāpnotīti siddhāntī bhagavān bādarāyaṇo manyate |
(ve0pā0sau0) svasṛṣṭaśarīrādibhāve'pi muktasya bhagavallīlārasabhogopapatteḥ kadācidbhagavallīlā'nusāriṇā svasaṅkalpenāpi sṛjati14