Aphorisms on Brahman 232.16

232.16

(ve0pā0sau0) ata eva vidyayā karmopamardañca “kṣīyante cāsya karmāṇi tasmindṛṣṭe parāvare” ityādinā paṭhanti |
(ve0pā0sau0) vidyayā'gnihotradānatapaādīnāṃ svāśramakarmaṇāṃ nivṛttiśaṅkā nāsti, vidyāpoṣakatvādanuṣṭheyānyeva | yajñādiśrutau teṣāṃ vidyotpādakatvaṃ darśanāt |
(ve0pā0sau0) “śatañcaikā ca hṛdayasya nāḍyastāsāṃ mūrddhānamabhiniḥsṛtaikā | tayorddhvamāyannamṛtatvametī”ti śrutyuktā nāḍī varttate | tāṃ vidyāsāmarthyāttaccheṣagatyanusmṛtiyogācca prasannena vedyenānugṛhīto yadā bhavati tatastasyauko hṛdayamagrajvalanaṃ bhavati tadā parameśvaraprakāśitadvārastāṃ viditvā vidvān tayā niṣkrāmati |
(ve0pā0sau0) “prājñenātmanā pariṣvakto na bāhyaṃ kiñcana veda nāntarami”ti vākyaṃ tu na muktaviṣayaṃ, kintu suṣuptyutkrāntyoranyatarāpekṣam | “nāha khalvayaṃ sampratyātmānaṃ jānātyahamamasmī”ti, no evemāni bhūtānīti etebhyo bhūtebhyaḥ samutthāya tānyevānuviśyatī”ti ca, “sa vā eṣa etena divyena cakṣuṣā manasaitān kāmānpaśyanni”ti ca jīvasyobhayatra nirbodhatvaṃ, muktyavasthāyāñca sarvajñatvaṃ śāstreṇāviṣkṛtam |