Aphorisms on Brahman 18.68

18.68

nanu - dahraṃ vipāpaṃ parameśmabhūtaṃ yatpunṇḍarīkaṃ puramadhyasaṁsthaṃ |
tatrāpi dahraṃ gaganaṃ viśokastasminyadantastadupāsitavyam | kaivalye ca -
hṛtpuṇḍarīkaṃ virajaṃ viśuddhaṃ iti dahaspuṇḍarīkamupadiśya tanmadhye
umāsahāyaṃ parameśvaraṃ prabhuṃ trilocanaṃ nīlakaṇṭhaṃ praśāntaṃ ityādinā
paramātmopāsanaṃ sūcitam | atra daharākāśatvena
parameśvaropadeśātparasparaśrutivirodhaprasaṅga iti cenna | bhūtākāśasya
apahatapāpmatvādi parameśvaradharmāṇāṃ masambhavāt | daharākāśaśabdena
cidambaraprakṛtiḥ ucyate | śakti-śaktimatorabhedānna parasparaśrutivirodhaḥ |
ākāśaśarīraṃ brahma satyātmaprāṇārāmaṃ mana ānandam ityādinā parameśvarasya
cidambaraśarīratvopadeśāt |