Aphorisms on Brahman 23.32
Śrīkarabhāṣya 23.32
- Language
- Sanskrit
23.32
nanu - mṛdghaṭādidṛṣṭānte mṛdghaṭau bhinnau vilakṣaṇapratītiviṣayatvāt |
tasmādghaṭapaṭavattasya hetorvyabhicāra iti cenna mṛddravyasya
pṛthubudhnodarādyākāro ghaṭa iti vyavahārahetuḥ | tasyaiva
tatpratiyogyavasthāntarayogo ghaṭābhāvavyavahārahetuḥ tatra kapāladvayāvasthāyāḥ
tatpratiyogitvena saiva ghaṭāvasthā asya nāstīti vyavahārahetuḥ | na ca tadvyatirikto
ghaṭābhāvo nāma kaścidupalabhyate na cāpi kalpyate tāvataivābhāvasya
vyavahāropapatteḥ | tasmādyathā mṛdātmanāsatve'pi mṛdekāṃśena
ghaṭaśarāvātmakatvena pariṇāme'pi mṛdātmakatvaṃ na virudhyate tathā śivasya
svaśaktyekāṃśatvena jagadātmanā pariṇāme'pi jagadananyatvaṃ na virudhyate |
Linked texts (1)
- Brahmasūtra — Bādarāyaṇa, Sanskrit