Aphorisms on Brahman 24.5

Śrīkarabhāṣya 24.5

Language: Sanskrit

24.5

śivasya parabrahmaṇaḥ kadācillīlāvilāsaḥ kadācitkaivalyaṃ svayamevāvasthānaṃ ca
nirṇīyate | yathā loke sarvaiśvarya-dhairya-vīryaparākramadhuryasya
saptadvīpaparivṛtasarvamaṇḍalādhīśvarasya mahārājasya kadācidvilāsena
kāryārambhakatvaṃ kadācittūṣṇīmavasthānaṃ ca dṛśyate kiñca sarveṣāṃ
cetanānāṃ yathā svābhāvikatvena prāṇāpānādivāyusañcāraḥ tathā
paramānandakandasya paramaśivasya svabhāvena jagajjanmādikāryānusaraṇaṃ vā syāt |
samprāptasarvakāmasya paramānandasvabhāvasya śivasya svalīlayā
jagajjanmādikāryārambhavyāpārakatvaṃ pralayādūrdhvaṃ punaḥ sṛṣṭiparyantaṃ
svayamevāvāsthānaṃ ca niravadyam |

Previous: 24.4
Next: 24.6
Up: 24

Linked texts (1)

Brahmasūtra — Bādarāyaṇa, Sanskrit