Aphorisms on Brahman 26.46

26.46

tu śabdaḥ śaṅkānirāsārthaḥ |
nikhilajaṅgamasthāvaravyapāśrayastattacchabdavyapadeśaḥ bhāktaḥ vācyaikadeśe
bhajyata ityarthaḥ | samastavastuprakāriṇo brahmaṇaḥ
prakārabhūtavastugrāhipratyakṣādipramāṇāviṣayatvādvedāntaśravaṇāt prāk
prakāryapratīteḥ prakāripratītibhāvabhāvitvācca tatpayavasānasya loke tattadvastumātre
vācyaikadeśe te te śabdāḥ bhāṅktābhāṅktāḥ vyapadiśyante | athavā
tejaḥprabhṛtibhiḥ śabdaistattadvastumātravācitayā vyutpannairbrahmaṇo vyapadeśo
bhāktaḥ syāt - amukhyaḥ - syādityāśaṅkya carācaravyapāśrayastu ityucyate |
carācaravyapāśrayaḥ tadvyapadeśastadvāciśabdaḥ carācaravāciśabdaḥ
brahmaṇyabhākto mukhya eva kutaḥ brahmabhāvabhāvitvāt sarvaśabdānāṃ
vācakabhāvasya nāmarūpavyākaraṇaśrutyā hi tadbhāvabhavitvāt | tadyathā -