Aphorisms on Brahman 26.54

Śrīkarabhāṣya 26.54

Language: Sanskrit

26.54

kiṃ yuktaṃ astīti kutaḥ ekavijñānena sarvavijñānapratijñopapatteḥ prāk
sṛṣṭerekatvāvadhāraṇācca | viyadāderiva jīvasyāpyutpattivādinyaḥ śrutayaśca santi |
yataḥ prasūtā jagataḥ prasūtī toyena jīvān visasarja bhūmyām prajāpatiḥ prajā asṛjata
sanmūlā saumyemāḥ sarvāḥ prajāḥ sadāyatanāssatpratiṣṭhāḥ iti | evaṃ sacetanasya
jagataḥ utpattivacanājjīvasyāpyutpattiḥ pratīyate | na ca vācyaṃ-brahmaṇo nityatvāt
tattvamasyādibhiśca jīvasya brahmatvāvagamājjīvasya nityatvamiti | aitadātmyabhidaṃ
sarvaṃ sarvaṃ khalvidaṃ brahma ityevamādibhirviyadāderapi brahmatvāvagamāt tasyāpi
nityatvaprasakteḥ | ato jīvo'pi viyadādivadutpadyata ityevaṃ prāpte'bhidhīyate |

Previous: 26.53
Next: 26.55
Up: 26

Linked texts (1)

Brahmasūtra — Bādarāyaṇa, Sanskrit