Aphorisms on Brahman 35.26

Śrīkarabhāṣya 35.26

Language: Sanskrit

35.26

tamevaṃ vedānuvacanena brāhmaṇā vividiṣanti yajñena dānena ityādinā yajñādayo hi
vidyāṅgatvena śrūyante | yajñādinā vividiṣanti veditumicchanti yajñādibhirvedanaṃ
prāptumicchantītyarthaḥ | yajñānāṃ jñānasādhanatve satyeva yajñādibhirjñānaṃ
prāptumicchantīti vyapadeśa upapadyate | yathā aserhananasādhanatve satyasinā jidhāsantīti
vyapadeśaḥ | ato yajñādīnāṃ jñānasādhanatvamavagamyate | jñānañca
vākyārthajñānāt arthāntarabhūtaṃ dhyānopāsanādiśabdavācyaṃ
viśadatamapratyakṣatāvannaśrutirūpaṃ niratiśayapriyaṃ
aharaharabhyā'sādheyātiśayamāprayāṇādanuvartamānaṃ
mokṣasādhanamityuktamasmābhiḥ pūrvameva | vakṣyati ca -
āvṛttirasakṛdupadeśāt ityādinā |

Previous: 35.25
Next: 35.27
Up: 35

Linked texts (1)

Brahmasūtra — Bādarāyaṇa, Sanskrit