Aphorisms on Brahman 43.65

Śrīkarabhāṣya 43.65

Language: Sanskrit

43.65

ananyādhipatitvavyapadeśena muktasya svātantryamupadiṣṭam | tena na kadācidapi
karmādhīnatvaṃ sūcitam | karmaṇāṃ vinaṣṭasvabhāvāt nānyaḥ parameśvaro niyāmakaḥ
janmamaraṇapravāhalabdhaśivājñārūpavidhiniṣedhaśāstrapathātītatvāt | kutaḥ
paśutvavyāvṛtteḥ | anādyajñānavāsanābaddheṣaṇātrayadoṣaviśiṣṭānāṃ
śivājñārūpakarmādhīnatvaṃ yuktam |
nityaniratiśayamaṅgalākāraśivasārūpyadhāriṣu śivavatsarvajñatvādīnāṃ sattvena
jarāmaraṇaśokabhayavilakṣaṇatvena niratiśayānandānubhavaikasyātmārāmatvena ca
svātantryamavirodham |

Previous: 43.64
Next: 43.66
Up: 43

Linked texts (1)

Brahmasūtra — Bādarāyaṇa, Sanskrit