Aphorisms on Brahman 44.9

Śrīkarabhāṣya 44.9

Language: Sanskrit

44.9

vikāre janmādike na vartata iti vikārāvarti nirdhūtanikhilavikāraṃ
nikhilaheyapratyanīkakalyāṇaikatānaṃ niratiśayānandaṃ paraśivabrahma savibhūtikaṃ
sakalakalyāṇaguṇamanubhavati muktaḥ | tadvadvibhūtyantargatatvena vikāravartināṃ
lokānāmapi bhuktabhogyatvam | tathā hi - parasmin brahmaṇi nirvikāre
anavadhikātiśayānande muktasyānubhavitṛtvena sthitimāha śrutiḥ - yadā hyevaiṣa
etasminnadṛśye'nātmye'nirukte'nilayane'bhyaṃ pratiṣṭhāṃ vindate atha so'bhayaṃ gato
bhavati || raso vai saḥ | rasaṃ hyevāyaṃ labdhvāṅandī bhavati ityādikā | tadvibhūtibhūtaṃ
ca jagat tatraiva vartate | tasmillokāḥ śritāssarve tadu nānyeti kaścana |

Previous: 44.8
Next: 44.10
Up: 44

Linked texts (1)

Brahmasūtra — Bādarāyaṇa, Sanskrit