Aphorisms on Brahman 5.74
Śrīkarabhāṣya 5.74
- Language
- Sanskrit
5.74
yadyapi devadattādau tamoguṇapradhānaśarīrādiviśiṣṭe tāmasatvavyavahāro dṛṣṭaḥ
tathāpi tatra tanmātraviśiṣṭatvena tathā vyavahāraḥ | prakṛte tu
parameśvarasambandhināṃ tamo'tītānāmalaukikaprakāśasvarūpāṇāmanekeṣāṃ
vigrahāṇām pramāṇasiddhatvānna tathā | sthirebhiraṅgaiḥ pururūpa ugro babhruḥ
śuklebhiḥ pipiśe hiraṇyaiḥ ityatra śuklebhiriti śuklaśabdena satvamayatvamucyate
lohitaśuklakṛṣṇāṃ ityādivat | anyathā viṣṇvādhikyavādināṃ mate
tamoviśiṣṭaviṣṇupratipādakatvena vaiṣṇavādipurānānāmapi tāmasatvaprasaṅgaḥ |
kathamanyathā viṣṇorbhūbhāraharaṇāya