Pramananirnaya (Vadiraja) 14.28

14.28

triguṇādidiparyayastatra liṅgaṃ tasya triguṇādinaiva vyavasthāpanāt | tathā hi-pradhānasya vyakteravibhedasya̍ triguṇādi tadviparyayāpekṣaṃ tathātvāt prakāśādivat | yatra tadviparyayaḥ sa puruṣastasya
svatantrasyābhāvāt prakāśādiviparyayasya tamaḥprabhṛtyadhiṣṭhānasyaivopalabdheḥ | tatra traiguṇyādeva saṅghātasambhavāt⁷ tasyaiva ca kartṛtvopapatteḥ, tadviparyayāt puruṣasyāsaṅghātatvamakartṛtvaṃ ca, avivekaviparyayācca
rajastamaḥkāluṣyavivekāt kaivalyam, acetanaviparyayācca dṛṣṭatvam, ataśca sākṣitvaṃ viṣayaviparyayācca,
svaparavedyatvavaidhuryāt mādhyasthyañca siddhamavaboddhavyam | taduktam“tasmācca viparyāsāt siddhaṃ sākṣitvamasya puruṣasya
kaivalyaṃ mādhyasthyaṃ dṛṣṭatvamakartṛbhāvaśca ||”
[ sāṃkhyakā0 19 ] iti
cet; tanna; triguṇādeḥ tadviparyayāvinābhāvāsambhavāt prakṛtipuruṣasāmānyavat | na hi tasya
[ yogasū0 2