Pramananirnaya (Vadiraja) 14.11-2

14.11-2

] iti | tanna sāṃsargikādapi caitanyāttasya tadarthaṃ pravartanamupapannam, sati tasmin
sarvadā vivekasyaiva darśanenāvivekavibhramasthāprasaṅgāt , anyathā paścādapi taddarśanābhāvasya niveditatvāt | bhavatu acetanasyaiva tasya tadarthaṃ pravarttanaṃ vatsavṛddhinimittaṃ kṣīrasyeva | taduktam“vatsavidṛddhinimittaṃ kṣīrasya yathā pravṛttirajñasya
puruṣavimokṣanimittaṃ tathā pravṛttiḥ pradhānasya ||” [ sāṃkhyakā0 57 ]
iti cet; tanna sāram; tatpravartanena cetanādhiṣṭhānasādhanasya pūrvoktasya virodhāt | tadayaṃ
tadadhiṣṭhatasyaiva pravṛttimabhidhāya punaranyathā'pi tāṃ bruvāṇo vismaraṇaśīla eveśvarakṛṣṇa iti suniścitaṃ
naścetaḥ | tanna tadarthasya pravarttanasyāpi tatra liṅgatvamiti na subhāṣitametat“saṅghātaparārthatvāt triguṇādiviparyayādadhiṣṭhānāt
puruṣo'sti bhoktṛbhāvāt kaivalyārthaṃ pravṛtteśca ||” [ sāṃkhyakā0 17 ] iti
tannānumānaṃ puruṣe pramāṇam
nāpi- “mahataḥ paramavyaktamavyaktāt puruṣaḥ paraḥ
puruṣātnāparaṃ kiñcit sā kāṣṭhā sā parā gatiḥ ||” [ kaṭho0 3