Nyayavinishcaya v1.p27.2

v1.p27.2

'syāt' śabda ke prayoga se sādhāraṇatayā logoṃ ko saṃśaya aniśraya yā saṃbhāvanā kā bhrama hotā haiṃ| para yaha to bhāṣā kī purānī śailī hai usa prasaṅga kī, jahām̐ eka vāda kā sthāpana nahīṃ hotā | ekādhika bheda yā vikalpa kī sūcanā jahām̐ karanī hotī hai vahām̐ 'syāt' pada kā prayoga bhāṣā kī śailī kā eka rūpa rahā hai jaisā ki majjhimanikāya ke mahārāhulabāda sutta ke nimnalikhita avataraṇa se jñāta hotā hai— 'katamā ca rāhula tejīdhātu ? tejodhātu siyā ajjhatikā siyā bāhirā|" arthāt jo dhātu svāt ādhyātmika hai, svāt bāhya hai yahām̐ siyā (syāt) śabda kā prayoga tejo dhātu ke niścita bhedoṃ kī sūcanā denā hai na ki una bhedoṃ kā saṃśaya aniścaya yā sambhāvanā batātā hai| ādhyāmika bheda ke sātha prayukta honevālā syāt śabda isa bāta kā dyotana karatā hai ki tejo dhātu mātra ādhyātmika hī nahīṃ hai kintu usase vyatirikta bāhya bhī hai| isī taraha 'syādasti' meṃ asti ke sātha lagā huā 'syāt' śabda sūcita karatā hai ki asti se bhinna dharma bhī vastu meṃ hai kevala asti dharma rūpa hī vastu nahīṃ hai| isa taraha 'syāt' śabda na śāyada kā na aniścaya kā aura na sambhāvanā kā sūcaka hai kintu nirdiṣṭa dharma ke sivāya ampa aśeṣa dharmoṃ kī sūcanā detā hai jisase śrotā vastu ko nirdiṣṭa dharmamātra rūpa hī na samajha baiṭhe| saptabhaṃgī - vastu mūlataḥ anantadharmātmaka hai | usameṃ vibhinna dṛṣṭiyoṃ se vibhinna vivakṣāoṃ se ananta dharma hai| pratyeka dharma kā virodhī dharma bhī dṛṣṭibheda se vastu meṃ sambhava hai|