Nyayavinishcaya 10.688

10.688

antareṇāpi tādrūpyaṃ grāhyagrāhakatayoḥ satoḥ | iti
"jñānaśabdapradīpānāṃ pratyakṣāste'ratasya ca
janakatvena pūrveṣāṃ kṣaṇikānāṃ vināśataḥ
śaktiḥ kuto'satāṃ jñānāt" [pra0vā02|417] iti;
“anyasyānupakāriṇaḥ
vyaktau vyajyeta sarvo'rthaḥ” [pra0vā02|418] iti
"jñānaṃ tvarthāvabhāsataḥ
taṃ vyaktatīti kathyeta tadabhāve'pi tatkṛtam ||” [pra0vā02|420] iti
“pratyakṣapūrvakaṃ sarvamanumānaṃ pravarttate
pratyakṣasyānumāpekṣā yadyanyonyasamāśrayaḥ
na yāvadanumānaṃ pramāṇaṃ tāvanna pratyakṣaṃ pramāṇībhavati bāhye'rthe | na ca pratyakṣasya prāmāṇyāsambhave'numānam, tatpūrvakatvāt, anyathā andhaparamparā bhavet | tasmātparamārthataḥ svarūpameva saṃvedanasya saṃviditaṃ nārthaḥ |” [pra0vārttikāla0 2|420] iti nāstyeva
vastutastasya kāraṇatvaṃ tatkāryatvañca jñānasya, kalpanaiva kevalaṃ tadbhāvamupadarśayatīti cet; na;
bahirarthavedanasya savikalpakatvena pratyakṣatvābhāvaprasaṅgāt | na hi kalpanāropitagocarasya nirvikalpakatvamupapannam | satyam, mithyābhiniveśarūpeṇa vikalpena savikalpakatvam aparāmarśarūpakatvāttannirvikalpakatvamucyata iti cet; kathaṃ tathāpi pratyakṣatvaṃ bhrāntatvāt ? na hi mithyāviṣayamabhrāntamupapannam; atiprasaṅgāt | idamapi satyameva vastuvṛttyā sarvasyālambane bhrāntatvāt,
abhiniveśakabhāvābhāvābhyāṃ tu samyaṅgithyājñānāvabhāgaḥ, yatra hi vyavaharturarthābhiniveśaḥ
"anyasyānupakāriṇaḥ
vyaktā vyajyeta sarvo'rthaḥ" [pra0vā02|418] iti
niyamāt na svāpekṣasya | avaśyañcaitadevamaṅgīkarttavyam, anyathā nīlatadvedanayorhetuphalabhāve'pi
tatprasaṅgāt | tadvedanaṃ hi kāraṇameva kasyacit, anyathā tadavastutvāpatteḥ | kāraṇatvañca tasya
kāryopajananaśaktilakṣaṇaṃ svakāraṇādeveti tadeva tasya nīlaṃ kāryaṃ na punastattasyeti prāptam | tathā
ca na tattasya grāhyameva ahetostadanabhyupagamāt | tato nirākṛtametat"jñānaṃ tvarthāvabhāsataḥ
taṃ vyanaktīti kathyeta tadabhāve'pi tatkṛtam ||” [pra0vā02|420] iti
nīlajñāne nīlakṛtatvasya tadvabhāsasya ca tadākāratālakṣaṇasyānantaranītyā niṣedhāt
tasmādatra kāraṇena kāryāntarāpekṣameva tasya kāraṇatvamāpādyeta nātmāpekṣamityetadevottaram
etacca grāhyagrāhakabhāve'pi samānam-nīlatadvedanayoḥ parasparasavyapekṣasyaiva tadbhāvasya tatkāraṇenopasarpaṇāt | tato durvyāhṛtametat- "yadadhīnā hi tayoḥ" ityādi | nīlatajjñānasvarūpavyatiriktaḥ tadbhāva eva nāsti tatkathaṃ taccinteti cet ? na; kāryakāraṇabhāvasyāpi tadvyatiriktasyābhāvāt taccintanasyābhāvāpatteḥ | kāryaṃ jñānaṃ tasya kāraṇañca nīlamirita pratīteḥ
astyeva tadbhāva iti cet; na; grāhyaṃ nīlaṃ tasyagrāhakaṃ ca jñānamityapi pratīteḥ
'kalpanāmātramevaitadanādivāsanādhīnam' ityapi na yuktam; kāryakāraṇabhāvapratītāvapyevaṃ prasaṅgāt | kalpita eva tadbhāvo'pi paramārthato bahirarthasyāprativedanāt | na hi pratyakṣeṇa
tatprativedanam; ākāravato jñānasyaiva tataḥ prativedanāt | nāpyanumānena; tasya pratyakṣapūrvakatvena
tadabhāve'navataraṇāt
"pratyakṣapūrvakaṃ sarvamanumānaṃ pravarttate
pratyakṣasyānumāpekṣā yadyanyonyasamāśrayaḥ
na yāvadanumānaṃ pramāṇaṃ tāvanna pratyakṣaṃ pramāṇībhavati bāhye'rthe | na ca pratyakṣasya prāmāṇyāsambhave'numānam, tatpūrvakatvāt, anyathā andhaparamparā bhavet | tasmātparamārthataḥ svarūpameva saṃvedanasya saṃviditaṃ nārthaḥ |" [pra0vārtikāla0 2|420] iti nāstyeva
vastutastasya kāraṇatvaṃ tatkāryatvañca jñānasya, kalpanaiva kevalaṃ tadbhāvamupadarśayatīti cet; na;
bahirarthavedanasya savikalpakatvena pratyakṣatvābhāvaprasaṅgāt | na hi kalpanāropitagocarasya nirvikalpakatvamupapannam | satyam, mithyābhiniveśarūpeṇa vikalpena savikalpakatvam aparāmarśarūpakatvānnirrvikalpakatvamucyata iti cet; kathaṃ tathāpi pratyakṣatvaṃ bhrāntatvāt ? na hi mithyāviṣayamabhrāntamupapannam; atiprasaṅgāt | idamapi satyameva vastuvṛttyā sarvasyālambane bhrāntatvāt,
abhiniveśakabhāvābhāvābhyāṃ tu samyaṅmathyājñānāvabhāgaḥ, yatra hi vyavaharturarthābhiniveśaḥ
pīte pravṛttaṃ pratyakṣaṃ yadānyatra pravarttate
tadā tam̐danvitaṃ pītaṃ vyatireki ca dṛśyate