Siddhantasaradipaka 6.56.2

6.56.2

calavyāsādhaṃ bhūtalamāgatya girestaṭātsārdhaṃ dvādaśayojanavistṛtā yojanaikasthūlā yojanaikadīrghā gomukhākṛtivajrapraṇālyādho bhūtale patati | tatrapañcaviṃśatyagraśatayojana vistṛtaṃ viṃśatiyojanāvagāhaṃ maṇivedikā dvāratoraṇādi maṇḍitaṃ kuṇḍaṃ syāt | tanmadhye jalādviyati ṣoḍaśa yojana vistīrṇo dvīposti | tasya
madhye viṃśatiyojanottuṃgo mūle'ṣṭayojana vyāso, madhye caturyojanavistāro, mastake dviyojana vistṛto
vajramayo'calo'sti | tasya mūrdhni dvikośocchritaṃ, bhūtale trikośāyāmaṃ, madhye dvikośāyataṃ, śikhare
krośaikadīrghaṃ pañcaśatacāpavyāsaṃ kamalakarṇikāsiṃhāsanastha jina pratimādyalaṃkṛtaṃ | aśīticāpavistṛtaṃ
ṣaṣṭyadhikaśataśarāsanotsedhadvārānvitaṃ caturgopuravana-vedikādi bhūṣitaṃ divyaṃ prāsādaṃ bhavati | viṃśatiyojanavistṛtāṃ dviśatayojanadīrghā pañcaśad yojanānyadriṃ vihāya jinamabhiṣektu kāmeva gṛhāgrastha jinapratimāṃge vahati sā rohit nadī | tataḥ kuṇḍasya dakṣiṇadvārānnirgatya haimavatakṣetramadhye kṣamāgatya tatrastha