Anekantajayapataka p219

p219

(svo0 vyā0) tata idamāha-dhūmastatra kathaṃ bhavet, śakramūrddhanīti | yadā tu bhinnasvabhāvebhyaḥ-rūpādibhyaḥ kṣityādibhyo vā | kiṃviśiṣṭebhya ityāha-nirbhāgaikasvabhāvakāryapratiniyatebhyaḥ-tatsvabhāvakāryapratiniyatebhyastatsvabhāvatayā tajjananaṃ prati evambhūtebhyaḥ | kimityāha-vijātīyānekapadārthavyāvṛttaṃ tatsvabhāvatayā avibhaktaikasvabhāvameva hetubhedānāṃ tatraiva sāmarthyāt ekamāvirbhavati abhūtamavanena kāryaṃ, tadā na kaścid vyāghātaḥ, hetuphalabhāvaṃ prati iti prakramaḥ | etadeva bhāvayati tadrūpetyādinā | tadrūpaṃ ca tat-vivakṣitarūpaṃ vijñānādi kāryaṃ ca tasya utpādane niyataḥ svabhāvo yasyānaikasya tadekāpekṣayā tat tathā tasmācca anekasmāt-rūpādeḥ ekakāryotpattau satyāṃ ahetukatvaprasaṅgo'pyanavakāśa eva tattajjananasvabhāvataiyā'nvayābhāvena | bhavatyahetukatvaprasaṅgo yadyekaniyatād vivakṣitakāryāpekṣayā | anekasmāt kimbhūtāt ? svahetuprakṛtyanuvidhā-