Dvadasharanayacakra 1.123

Nyāyāgamānusāriṇī 1.123

Language: Sanskrit

1.123

kiñcit tathā kiñcidanyathā, unmattapratipattivaditi cet . syānmatam--kiñcillokena gṛhītaṃ tathaiva bhavati pratijñādi, kiñcidanyathā ghaṭādi, lokasyāparīkṣakatvāt . parīkṣakāśca pada-vākya-pramāṇavidaḥ . dṛṣṭānta unmattapratipattiḥ . yathonmatto'parīkṣakaḥ padavākyapramāṇānabhijñaḥ kiñcit tathā pratipadyate kiñcidanyathā, tatpratipattiścāpramāṇaṃ sadasatoraviśeṣād yadṛcchopalabdheśca, tadvallokapratipattirapīti .

Previous: 1.122
Next: 1.124
Up: 1

Linked texts (1)

Dvādaśāranayacakra — Mallavādin, Sanskrit