Dvadasharanayacakra 1.195

Nyāyāgamānusāriṇī 1.195

Language: Sanskrit

1.195

atra pareṇaivottaraṃ vācayitukāma āha --atha kathamityādi . idamasi tvaṃ praṣṭavyaḥ --kathamasāvanadhipatirdhūma iti, anālambanamityarthaḥ . itara āha --indriyāviṣayatvāddhetupratyeyasyārthasyāgnyādilakṣaṇasya . ācārya āha --nanu sañcayahetupratyayo'pyanadhipatirindriyāviṣayatvāt . paramāṇusañcaya eva pratyakṣe'pyanadhipatiḥ, tasmādeva hetorindriyāviṣayatvāt, sañcayasya paramāṇuvyatiriktasyāsattvāditi vistareṇa prāgabhihitametat . tasmāt sarvathā tulyamubhayaṃ kārakatveneti . tathā svārthe sāmānyagocaratvādanumānavadapratyakṣamityetasmin sādhane kārakahetutvapratipādanārthaḥ prapañcastulya ityatidiśati .

Previous: 1.194
Next: 1.196
Up: 1

Linked texts (1)

Dvādaśāranayacakra — Mallavādin, Sanskrit