Dvadasharanayacakra 1.197

Nyāyāgamānusāriṇī 1.197

Language: Sanskrit

1.197

kiñcānyat, etasmādeva hetudvayādviṣayaikyāpatteḥ pramāṇaikyamityata āha --dvayamapyetadekameva, eka- lakṣaṇatvāt . svasāmānyalakṣaṇaṃ hyekameva vastu viṣayo'sya pramāṇadvayasyetyuktavidhinā prasaktatvāt pratyakṣamevaikaṃ pramāṇaṃ tadubhayaṃ syāt, anekārthajanyasāmānyaikagocaratvāt, cakṣurādidvārajanmapratyakṣabhedapratyakṣatvavat . anumānameva vā syāt, tata eva kāraṇāt, dhūmakṛtakatvādyanumitāgnyanityādijñānānumānavat .

Previous: 1.196
Next: 1.198
Up: 1

Linked texts (1)

Dvādaśāranayacakra — Mallavādin, Sanskrit