Dvadasharanayacakra 1.33

Nyāyāgamānusāriṇī 1.33

Language: Sanskrit

1.33

tat kathamiti cet, ucyate --sāmānyaviśeṣau hi svaviṣayau paraviṣayau vā syātām, vastunaḥ sāmānyaṃ ghaṭādervastuna ātmani varteta, parasya vā paṭāderātmani ghaṭādvyatiricyamāne . caturṣvapyeṣu vikalpeṣu sāṅkhyādīnāṃ doṣa iti manyamāno laukikaḥ pakṣaṃ grāhayati dudūṣayiṣuḥ sopapattikam --tatra ādyaṃ sāmānyaṃ tāvadekasya sarvatvād yadi svaviṣayam . sarvamekamekaṃ ca sarvam, kasmāt ? kāraṇasya vaiśvarūpyāt . yathāha--

Previous: 1.32
Next: 1.34
Up: 1

Linked texts (1)

Dvādaśāranayacakra — Mallavādin, Sanskrit