Dvadasharanayacakra 1.36

1.36

tat katham ? ucyate --yadi sāmānyam, tata ātmā na bhavati, anekārthaviṣayatvāt sāmānyasya . kaścidarthaḥ kenacidarthena kaiściddharmaiḥ samāno bhavatīti kṛtvānekārthaviṣayaṃ sāmānyam . tasmādanekārthaviṣayatvāt sāmānyasya vastunaḥ svamātmā ghaṭāderekarūpasya na bhavati, ekatvādātmanaḥ, sāmānyasya ca nivṛtterātmanaśca, ātmābhāvāt kasya sāmānyam ? . atha mā bhūdeṣa doṣa ityātmeṣyate, tato'pi na sāmānyam, ekatvādātmanaḥ kena sāmānyaṃ tasya ? ityātmanaḥ sāmānyena virodhaḥ, samānabhāvo hi sāmānyam . senāhastinoriveti, hastyaśvarathapadātisamūhaḥ senetyanekārthāpekṣāṃ darśayati, hastīti caikārthatāṃ darśayati .