Dvadasharanayacakra 1.75

1.75

atrocyate --arthāśleṣalakṣaṇāyāṃ tvāsattau pṛthivīghaṭarūpādīnāmeva syāt sāmānyaviśeṣatā, lakṣaṇoddeśanirdeśakṛtaivetyarthaḥ . netarasāmānyaviśeṣayoḥ sāmānyaviśeṣatā iti vartate, sattva tathāpi svaviṣayasāmānyaviśeṣāpattiḥ . sā coktadoṣā . tasmāt sarvathāntaraṅgaṃ svamūrtisthaṃ pradhānaṃ vyavasthitamanapekṣam--na hi tasya dravyatvapṛthivītvaguṇatvarūpatvādyanuvṛttivyāvṛttibuddhilakṣaṇayorna syāt . iṣyate ca tayorapi vaiśeṣikaiḥ guṇasamudāyadravyavādibhiśca sādṛśyānuvṛttinivṛttilakṣaṇasāmānyaviśeṣatā . ko'bhiprāyaḥ ? arthāśleṣalakṣaṇāsattikṛtasāmānyaviśeṣābhyupagame tattvānuvṛttivyāvṛttibuddhigrahaṇau na syātām . tattvānuvṛttinivṛttikṛtayorvābhyupagame'rthāśleṣakṛtapratyāsattyorabhāva iti virodhād na prakalpateprakalpete ityayamabhiprāyaḥ .