Dvadasharanayacakra 1.90

Nyāyāgamānusāriṇī 1.90

Language: Sanskrit

1.90

atra brūmaḥ --tatra deśakālākāranimittāvabaddhatvānneṣṭameva phalamavāpyate sevakeneva prasannanṛpādapi, svanagarabhāṇḍāgārādikṣetrapratibandhavat śvaḥprabhātādikālapratibandhavat prasādadānābhimukhyākārāvabandhavat dvitīyakarmaṇyatāpradarśanādinimittāvabandhavat . śāstrajñadṛṣṭāntasyāpi tādṛgvidhāvabandhasadbhāve sati avyākhyānavadaniyama eva phalasyetyata āha --jñāvyākhyānavat, sarvaśāstrajño'pyebhirevāvabandhairīpsitaṃ na vyācaṣṭa iti .

Previous: 1.89
Next: 1.91
Up: 1

Linked texts (1)

Dvādaśāranayacakra — Mallavādin, Sanskrit