Dvadasharanayacakra 3.126

Nyāyāgamānusāriṇī 3.126

Language: Sanskrit

3.126

tathā saṃvyavahāraprasiddherityādi yāvadāvītānāmiti vyākhyātaṃ draṣṭavyam . eteṣāmeva pañcānāṃ vītānāṃ pariśuddhyarthāḥ pañcaiva āvītāḥ . evamebhiḥ pañcabhirvītaiḥ pradhānasya parigrahaṃ kṛtvā punarāvītaiḥ kariṣyāmaḥ . parapakṣapratiṣedhena svapakṣaparigrahakriyā āvītaḥ ityapadiṣṭaṃ purastāt . tasyāsya pratipakṣāḥ sarvaikāntinaḥ puruṣeśvarāṇupravādāḥ vikārapuruṣā vaināśikāśca . teṣāṃ vaināśikapratiṣedhamagre vakṣyāmaḥ, kasmāt ? kiñcid vaināśikā hītara ityataḥ prabhṛtyupakramya anupalabdhernāstīti dvitīyasya śiraso'nabhyupagatasyāsata utpattyabhāvād vyabhicāraprasaṅge gate yāvadanāgate'pi kāle na bhaviṣyatīti .

Previous: 3.125
Next: 3.127
Up: 3

Linked texts (1)

Dvādaśāranayacakra — Mallavādin, Sanskrit