Dvadasharanayacakra 3.128

Nyāyāgamānusāriṇī 3.128

Language: Sanskrit

3.128

kiñcānyadityādi tadeva yonyabhāvādanavasthāprasaṅgaḥ, parimāṇasya saṃsargapūrvakatvāvinābhāvādityarthaḥ . pradhānābhāvād niṣparimāṇamidaṃ vyaktamavyavasthitamityetat prasajyeta . kasmāt ? satāṃ hyarthānāṃ loke parimāṇaṃ dṛṣṭaṃ tulāmāna-hasta-vyāma-rajjvātmopacayaiḥ, na tvasati bhāvaḥ kaścidasti yaḥ pratipadyamānaḥ parimāṇe'vatiṣṭheta . tasmād niṣparimāṇamidamavyavasthitamityetat prasajyeta, na tvidaṃ tādṛk, tasmād nedaṃ vyaktamasata utpadyate . na cedaṃ sata utpadyate . pariśeṣataḥ pradhānādevedam . tasmādasti tat .

Previous: 3.127
Next: 3.129
Up: 3

Linked texts (1)

Dvādaśāranayacakra — Mallavādin, Sanskrit