Dvadasharanayacakra 3.143

Nyāyāgamānusāriṇī 3.143

Language: Sanskrit

3.143

atrocyate --na, prāg viśiṣṭabuddhicetanapratijñānāt, prāgasmābhirviśeṣitam--viśiṣṭabuddhyadhiṣṭhitāni tanvādīni . viśiṣṭabuddhitvaṃ cāparādhīnaṃ svātantryam . tat kutaḥ siddhamiti cet, ucyate— viśiṣṭabuddhitvamapi cāsyārthānāmarthakriyāyogyatvena sanniveśakatvāt, tanvādīni viśiṣṭabuddhipūrvakāṇi arthakriyāyogyatvena sanniviśiṣṭāsanniviṣṭāvayavatvāt, sthānagamanaśayanāsanāhārādiprayojanāni hi tanvādiṣu kriyante tatkriyāyogyāvayavasanniveśāt sthapatibuddhipūrvakaprāsādavat . tasmādarthakriyāyogyatvenārthānāṃ sanniveśakaḥ sa sthapativat . tasmācca viśiṣṭabuddhiriti .

Previous: 3.142
Next: 3.144
Up: 3

Linked texts (1)

Dvādaśāranayacakra — Mallavādin, Sanskrit