Dvadasharanayacakra 6.26

Nyāyāgamānusāriṇī 6.26

Language: Sanskrit

6.26

athotpādaikādhikaraṇya ityādi dvitīyavikalpe vināśapradhānasthitipakṣe'nantarodgrāhite'pi uktavadeva doṣāḥ sthānābhidhānena tu yojyāḥ, yojanādikpradarśanaṃ tu tathā vā sarvathā veti sthitiprakāreṇa vinaśyet utpattisthitivināśaprakāreṇa vā vinaśyet iti vikalpyate . utpattipradhānavikalpābhihitadoṣavadatrāpi vināśaprādhānyena sthityā saha yojitaṃ tathā vā sarvathā vā vinaśyati avatiṣṭhamāne kuto vināśaḥ ? vināśe vā kuto'vasthānam ? iti ta evādhikṛtāḥ svavacanādivirodhāḥ kṣaṇikavādātiśayanādi ca pūrvavat . evaṃ tāvadutpādapūrvayorvināśapūrvayoścotpādasthitivikalpayordoṣā uktāḥ .

Previous: 6.25
Next: 6.27
Up: 6

Linked texts (1)

Dvādaśāranayacakra — Mallavādin, Sanskrit