Dvadasharanayacakra 7.101

Nyāyāgamānusāriṇī 7.101

Language: Sanskrit

7.101

atra vaiśeṣikapakṣa āśaṅkyate --samarthasya karaṇe'dhikāraparigrahāt sa iti cet . etasya vyākhyā --samarthasyaiva kāryakriyāyāmityādi kāraṇanidarśano grantho gatārtho yāvadasadeva kāryamiti etat kilopādānaniyamakāraṇatvena uttaramasatkāryavādinaḥ . atrācāryastaduttaramāha --ekībhāvagatārthasya samarthatvāt satkāryatvameva, nanu tvayaiva samarthasya karaṇe'dhikāraparigrahādupādānaniyamaḥ iti bruvatā satkāryatvaṃ sabharthitam, saṅgatārthaṃ samartham, ekībhāvaṃ gato yo'rthaḥ sa samarthaḥ sādhyena sādhanākhyaḥ, tadbhāvādekībhāvagatārthasya samarthatvāt satkāryatvameva nāsatā kharaviṣāṇena saha kasyacit sāmarthyaṃ tasya vā kenacidupapadyata iti .

Previous: 7.100
Next: 7.102
Up: 7

Linked texts (1)

Dvādaśāranayacakra — Mallavādin, Sanskrit