Dvadasharanayacakra 7.145

Nyāyāgamānusāriṇī 7.145

Language: Sanskrit

7.145

padārthetyādi dvitīyaḥ saṅkaraprakāraḥ . padārthānāṃ ṣaṇṇāṃ dravyādīnāṃ lakṣaṇavyavasthānasyābhāvāt ṣaḍapi padārthā nivartante iti . kathamityādi vyākhyā . samavāyasyaikatvād dravyatvena guṇakarmaṇoḥ sambandhād dravyabhāvo dravyatvavat, tayośca svarūpasya guṇatvasya karmatvasya ca hāniriti doṣau, tattvaviśeṣaṇabhedāddhi tadbhedaḥ syācchatridaṇḍivaditi vaidharmyadṛṣṭāntaḥ, chatraviśiṣṭaśchatrī, daṇḍaviśiṣṭo daṇḍī, na tatheha dravyatvasya kvacid bhedo'sti .

Previous: 7.144
Next: 7.146
Up: 7

Linked texts (1)

Dvādaśāranayacakra — Mallavādin, Sanskrit