Dvadasharanayacakra 7.149

7.149

yaccetyādi . ādhārādheyabhāvena bhede sati saṃyogavad dvivṛttitvāt samavāyasya tataścānityatvaṃ syāt iti pūrvapakṣaṃ kṛtvā parihāramāha vaiśeṣikaḥ --na, bahūnāmekatvāt, bahūnāṃ dravyādīnāmekaḥ samavāya iti svarūpavarṇanaṃ dvivṛttipratiṣedhārtham . na tu dvayordvayorityādi saṃyogena vaidharmyaṃ samavāyasya' iti, etenāpi saṅkaraprasaṅgastadavastha eva bahūnāmekasamavāyābhyupagamāt . tataḥ ṣaḍapi padārthā nivartitāḥ . gatārthaṃ yāvat samavāyasyeti . ācārya āha --etenāpītyādi . etenānityatvaparihāravacanenāpi saṅkaraprasaṅgaḥ sāmānyena vyavasthānābhāvāt sarvatra sarvādheyavṛttau sarvābhidhānapratyayasaṅkaraḥ viśeṣya ca padārthalakṣaṇavyavasthānāsambhavāt ṣaṭvadārthanivṛttirvetyādiruktaḥ tadavastha eva dṛḍhīkṛtaḥ, bahūnāmekasamavāyābhyupagamāt, tataḥ saṅkarāduktāt ṣaḍapi padārthā nivartitāḥ, tannivṛttau samavāyyabhāvāt samavāyanivṛtte- stasyāsataḥ khapuṣpasyeva kuto nityatvamanityatvaṃ vā ?