Dvadasharanayacakra 7.15

Nyāyāgamānusāriṇī 7.15

Language: Sanskrit

7.15

yat tāvaduktam --nāsatāmityādi pūrvapakṣo yāvat satkaratvaprasaṅgāditi atra prakrāntaṃ praśastamatinā — na, sādhyenānabhisaṃbandhādityuttaraṃ yāvadasādhanatvamityeṣa prathamo vyutpattivikalpaḥ . pratijñāviśeṣo vetyādi dvitīyo gatārthaḥ sottaro yāvat prativiśiṣṭatvam . atha dravyādīnāmityādistṛtīyaḥ sottaro yāvat teṣāmasattvamasiddham, dravyādyabhyupagame sattvāditi . atra codyam --prāgutpatteriti cet, prāgutpatterna santi dravyādīni, tasmādasattvaṃ siddhamiti . atrottaram --siddhasādhanametat, tadā teṣāṃ sattāsambandhānabhyupagamāditi .

Previous: 7.14
Next: 7.16
Up: 7

Linked texts (1)

Dvādaśāranayacakra — Mallavādin, Sanskrit