Dvadasharanayacakra 7.155

Nyāyāgamānusāriṇī 7.155

Language: Sanskrit

7.155

tathā yo'yaṃ guṇasya karmatvenetyādi karmaṇā saha pararūpāpattiḥ svarūpatyāgaśca dve anavasthāne lakṣaṇāyogadvāreṇa savyākhyāne gatārthe yāvad na guṇakarmaṇī tathālakṣaṇe iti lakṣaṇābhāvāpādanam . tayoralakṣaṇatvādasattvāt, tayorguṇakarmaṇoralakṣaṇatvādasattvaṃ khapuṣpavat, tadasattvādāśrayatvopalakṣyadravyābhāvaḥ, guṇakarmaṇorupalakṣaṇayorāśrayiṇorabhāvādvāśrayo dravyaṃ nāsti auṣṇyābhāve'gnyabhāvavat upalakṣaṇābhāvāt khapuṣpavadvā . tasmiṃścāsati dravye nirāśrayayorguṇakarmaṇorabhāvād dravyasya cābhāvādāśrayiṇāṃ dravyatvādīnāmapyabhāvaḥ, uktaṃ hi --utpannamāśrayamāśrayantyāśrayiṇaḥ iti .

Previous: 7.154
Next: 7.156
Up: 7

Linked texts (1)

Dvādaśāranayacakra — Mallavādin, Sanskrit