Dvadasharanayacakra 7.158

Nyāyāgamānusāriṇī 7.158

Language: Sanskrit

7.158

yadapītyādi . yadapi pareṇoktaṃ yathā kuṇḍadadhisaṃyoge dadhyevādheyam, kuṇḍamevādhāraḥ iti niyamastathā dravyamevādhāro guṇakarmādyevādheyam, dravyaguṇakarmāṇyevādhāro dravyatvaguṇatvakarmatvānyevādheyāni iti, tadapi naiva, kuṇḍadadhyādhārādheyabhāvasamavāyānāmapyekatvāt, tatrāpi tvanmatenādhārayoḥ kuṇḍadadhnorādheyayośca kuṇḍatvadadhitvayostayostattvayordravyatvādīnāṃ ca tattvānāṃ ye samavāyāsteṣāmapyekatvāt samavāyibhedopacaritabhedānāmāñjasyenaikatvāt pūrvoktavidhinā tadavasthaḥ saṅkaradoṣaḥ .

Previous: 7.157
Next: 7.159
Up: 7

Linked texts (1)

Dvādaśāranayacakra — Mallavādin, Sanskrit