Dvadasharanayacakra 7.168

Nyāyāgamānusāriṇī 7.168

Language: Sanskrit

7.168

etasyaivārthasya bhāvanārthaṃ sādhanamāha --tathā ghaṭapaṭādidravyakṣetrakālabhāvabhāvābhāvasattāyā ghaṭasāmastye'pi na kaścid viśeṣa iti pratijñā . ghaṭapaṭaghaṭāntaretyādidaṇḍakoktārthacāturvidhyasya sadasattvamasāmastyena bhāvitam, sāmastye'pi tatheti sādhyārthaḥ . vastutvāditi hetuḥ . asāmastyavaditi dṛṣṭāntaḥ . yathaivetyādi cāturvidhyena dṛṣṭāntavarṇanā gatārthā yāvad guṇāvṛttyanāvṛttibhedeṣviti . dviguṇatriguṇakṛṣṇaśuklatvādirāvṛttiḥ, śuklaḥ kṛṣṇa ityanāvṛttiḥ . tatraikaguṇasattvaṃ dviguṇāsattvam, dviguṇasattvamekaguṇāsattvam, śuklasattvaṃ kṛṣṇāsattvam, kṛṣṇasattvaṃ śuklāsattvamityādi .

Previous: 7.167
Next: 7.169
Up: 7

Linked texts (1)

Dvādaśāranayacakra — Mallavādin, Sanskrit