Dvadasharanayacakra 7.176

7.176

na, sat iti bhavanāditi sattvabhavanavyāptyā bhāvasyaiva viśeṣa iti pūrvavat . abhāvavādyāha — yadi sadityādi, aniṣṭāpādanamukhenāsadvādasamarthanamidam . yadi sat ityeva bhavati sattvāviśeṣād dravyaguṇakarmaṇāmavyatirekāt paryāyamātratve kena viśeṣahetunā sadeva sarvam iti bhavati, na dravyameva iti ? dṛṣṭaṃ cedam, dravyameva na bhavati, guṇakarmaṇorapi sadbhāvāt . guṇakarmābhāvād dravyaṃ saditi bhavati, guṇakarmaṇī ca tadabhāvāt satī bhavataḥ . na ca dravyādivyatirekeṇa sad nāma kiñcidasti ityuktatvād dṛṣṭaviruddhamucyate tvayeti . atra vayaṃ brūmaḥ --yatastvityādi caṭakamarkaṭikayā abhāvāvinābhāvibhāvapratipādanaṃ yathā tantuṣu paṭa iti gatārtham .