Dvadasharanayacakra 7.57

Nyāyāgamānusāriṇī 7.57

Language: Sanskrit

7.57

yadapyuktaṃ vicitropabhogakriyāprasiddhyarthaṃ sattādravyatvādisambandhaḥ kalpyate iti so'pyanenaiva pratipāditaḥ, pradīpavad bhūtād vastunaḥ prakāśāntaranirapekṣāt tasmādeva pravibhaktaviṣayānvayāt, pravibhakto viṣayo dravyatvasya kāraṇasāmagryaviśeṣastulyajātīyāvayavasaṃyogādiḥ kāraṇaguṇapūrvakramaḥ svāśrayāśrayāntarakriyārambhiguṇādikṛtaḥ tasya kāraṇakāryādipravibhāgād vyatirekāt sadanityādyaviśeṣānvayācca tādṛkpravibhaktaviṣayānvayāt tasmādeva vastuno vicitropabhogakriyāprasiddherbhinneṣvabhinnavyavahāraprasiddheśceti dviprakāraṃ puruṣārthaṃ darśayati . anayośca puruṣārthayoruktavad vastuta eva siddherna viśeṣaṇa- sambandhaḥ kalpyaḥ, sattādravyatvādiviśeṣaṇasambandho na yuktaḥ kalpayitumānarthakyāditi .

Previous: 7.56
Next: 7.58
Up: 7

Linked texts (1)

Dvādaśāranayacakra — Mallavādin, Sanskrit