Dvadasharanayacakra 7.65

Nyāyāgamānusāriṇī 7.65

Language: Sanskrit

7.65

kiñcānyat, nāpi sadasatāṃ satkarī sattā, santaścāsantaśca dravyādayaḥ sadasanto dvyātmakāḥ, teṣāṃ sadasatāṃ sadabhidhānapratyayakarī sattā syāditi parasyābhipretaṃ syāt tadapi na ghaṭate . kasmāt ? abhūtatvāt sadasadātmakatvasya tvanmatenaiva khapuṣpavat, sattāsambandhāt prāg dravyādi kāryaṃ sadasadapi na bhavati asadeva tat svato nirupākhyatvādityādihetubhiḥ pūrvavat sattāsambandhalabhyasattvāt . atha sattāsambandhanirapekṣamevāsti vyarthaḥ sattāsambandha ityuktam . tasmādubhayathāpi sadasattvavikalpo nāsti . tasmādabhāvāt khapuṣpavat sattayā na sambadhyate tvanmatenaiva, nāsmanmatenāpyasti .

Previous: 7.64
Next: 7.66
Up: 7

Linked texts (1)

Dvādaśāranayacakra — Mallavādin, Sanskrit