Dvadasharanayacakra 7.79

7.79

ato vyavasthāpitetyādi vyākhyātadṛṣṭāntasopākhyanirupākhyatvaikakāṣṭhīkṛtahetudharmayoḥ sadasattvaikakāṣṭhībhūtasādhyadharmāvinābhāvaḥ upasaṃhriyate . tasmāt tābhyāṃ dharmābhyāṃ bhinnau viruddhau ca ityabhimatābhyāmeva pratipadyatāṃ bhavān, sopākhyanirupākhyatvāt sāmānyādidravyādivat, sāmānyaviśeṣasamavāyāḥ sāmānyādayaḥ, dravyaguṇakarmāṇi dravyādīni, sāmānyādayaśca dravyādīni ca yathā santi asanti ca sopākhyanirupākhyāni ceti sopākhyanirupākhyatvaṃ sadasattvaikātmye hetuḥ, sadasattvamapi sopākhyanirupākhyatvaikātmye tathaiva hetustvanmatenaiva . upanaye tu dravyādīnāṃ dṛṣṭāntatvenopādānaṃ tvayaiveṣṭatvāt . atrāpi sadasattvaikātmye sopākhyanirupākhyatvaikātmye ca niḥsaṃśayamavipakṣateti .