Dvadasharanayacakra 7.86

7.86

atrācārya āha --etadapi na kiñcit, nottarasya gandho'pyastītyarthaḥ . kasmāt ? kāryatvādeva, kriyate iti hi kāryam, tasmin kārye upādānakriyayoḥ svaviṣayaniyatau bhāvāveva, nābhāvaḥ, svo viṣayaḥ svaviṣayaḥ, upādānasya satyeva niyamaḥ, tasya tatra niyatatvād bhāvo viṣayaḥ, kriyāyāḥ punarasatyeva bhayātmakatvāt, ekapuruṣaniyatapitṛputratvavat . na hyekasya... ... ...na tūbhayābhāvaḥ, evam... ... .... api ca viparyayaprasaṅgāpattāvapyevaṃvidhārthataiva . asadbhāgamāśrityopādānaniyamābhāva eva anupādānasattādibhāvasāmānyalabhyasvarūpatvāt saddravyādeḥ . sadbhāgamāśritya ca kriyāyā abhāva eva sarvasya sarvātmakatvāt tathātvādatyantamasato'bhāvāt . yattūcyate--sadasatorvaidharmyāt kārye sadasattā na vai॰ sū॰ 9 . 1 . 12, sadasacchabdārthayo- niyatatvādabhāvo viṣayaḥ uktavat . te copādānakriye sve sve viṣaye niyate iti kathaṃ jñāyate ? ekasyobhayātmakatvāt, sadasadātmakaṃ hyekaṃ kāryaṃ mayābhyupagataṃ tvayā ca doṣābhidhitsayā, tasmādekasyobhayātmakatvāt, yad yadubhayātmakamekaṃ tasya tasya svaviṣayaniyatatā dṛṣṭā, ekapuruṣaniyatapitṛputratvavat . na hyekasyetyādi dṛṣṭāntavyākhyānaṃ yāvad na tūbhayābhāva iti . evamityādi dārṣṭāntikavyākhyānamaniyamābhāvasādharmyapradarśanaṃ doṣābhāvapradarśanam . ubhayaikatvameva ca viśeṣahetuḥ, tasya svaviṣayaniyatatvād nāsti viparyayaprasaṅgaḥ . tasmāt pūrvābhyāṃ śreyastvameva .