Dvadasharanayacakra 7.96

Nyāyāgamānusāriṇī 7.96

Language: Sanskrit

7.96

yadapyucyate --ghaṭātmanā cāsattvāt kriyopapannetyevaṃ kila ārhata āha . atrāpi kuta etadityādyuttaram . naivamārhato brūte --ghaṭātmanā'sattvādasadeva kāryamiti, kiṃ tarhi ? sannapi ghaṭa iti brūte mṛttattvaghaṭasattvāt . taddarśayati --asattvād ghaṭātmaneti kuta etat, na punarmṛttattvaghaṭasattvāt, tat punaḥ sattvaṃ mṛttattvasya ghaṭasya tattva evānubhavakramaprāpteḥ kramajanmaghaṭaparyāyānubhavaḥ krameṇa prāpyate tattve dravyārthato'vasthitasvarūpa eva vastuni mṛdākhye, tatpratyagrāditvavat, yathā ghaṭasya pratyagreṣanmadhyamamadhyapurāṇatādibhāvā ghaṭatattve vyavasthitasyaiva tathaiva mṛttattva evānubhavakramaprāpteḥ ghaṭasattvam . tasmādārhatoktyaparijñānādasādhūktam .

Previous: 7.95
Next: 7.97
Up: 7

Linked texts (1)

Dvādaśāranayacakra — Mallavādin, Sanskrit