Dvadasharanayacakra 8.109

Nyāyāgamānusāriṇī 8.109

Language: Sanskrit

8.109

evaṃ nikṣepatrayaṃ sthāpanānikṣepa eva saṅkṣepato rūpāntaravyāvartanena rūpāntarākaraṇātmakasthāpanāsvarūpānatikramāt . etallakṣaṇānugṛhītatvādasadbhāvasthāpanā'vyaktākārā satī sthāpanetyāpādayitukāmaḥ parāśaṅkānivṛttyarthamāha --akṣādyasadbhāvetyādi . atrāpi rūpāntaraṃ ced vyāvartya rūpāntaraṃ nā''kuryāt rūpāntarasya indrāderakṣanikṣepapratipādyasyāvarodhaḥ pratipattirna syāt, bhavati tu . tasmādaviruddho'bhipretākāre vṛtto nāmnā śabdena indraḥ iti buddhyā vādhyāropaḥ tatkarmaṇaḥ akṣanikṣepasthāpanākarmaṇaḥ, kimiva ? dravyārthasthāpanendrasthūṇāvat, yathā rūpāntaravyāvṛttyā rūpāntararā ?karaṇād dravyārthasthāpanendrārthā sthūṇā indrastathā'kṣādiriti .

Previous: 8.108
Next: 8.110
Up: 8

Linked texts (1)

Dvādaśāranayacakra — Mallavādin, Sanskrit