Dvadasharanayacakra 8.116

Nyāyāgamānusāriṇī 8.116

Language: Sanskrit

8.116

nāmapratyayanāmakarmatattvāt tenaiveti cet . syānmatam--prāguktacaitanyanāmapratyayāyattaṃ nāmakarma, tattattvāni kāṣṭhādīni, atastenaiva nāmnā loke vyavahāra iti . etacca na, cetanabhedetyādi yāvad nāmakarmādyanupapatteriti, atrāpi cetanabhedeṣu yāni pṛthivyāditattvāni niyatāni tathābhūtiyogye viśeṣātmani teṣāmabhāve tiryaggatinirvartanīyayogavakratādivipariṇāmāpravṛtteḥ phalābhāvaḥ, tadabhāvāt kuto nāmakarma ? kutaḥ kāṣṭhādivanaspatipṛthivyagnyāditiryakśarīratvādīni ? ato viśeṣaikabhavanameva kriyā-phalādivyavahārahetuḥ na nāmaśabda iti suṣṭhūktam . tathā citrakarmetyata āha --na ca citralikhitāgni-prasthakābhyāṃ dahana-māne tayorvyavahārākṣamatvāt, tathāvṛttibhāvasyaiva vyavahārakṣamatvāt .

Previous: 8.115
Next: 8.117
Up: 8

Linked texts (1)

Dvādaśāranayacakra — Mallavādin, Sanskrit