Dvadasharanayacakra 8.118

8.118

asminnarthe nidarśanamāha --tathā prasphuṭamityādi . agnirdravyam iti puṃnapuṃsakayorbhāvabhede sāmānādhikaraṇyaṃ dṛṣṭam, nānyathā tat . syānmatam--dravyaśabdasya dārusamānādhikaraṇatvād napuṃsakaṃ dāruprasthakatvādvā samānādhikaraṇīkaraṇād dāruṇyapi sa nāvatiṣṭheta . tathābhūta... ... ...dahano'gniḥ . evaṃ pratipadārthaṃ bhāvanikṣepaḥ śabdanayasyāsyoktaḥ, na yatharjusūtram . atra ca śabdārtho'pyasatyopādhisatyaḥ . yathoktam-- asatyopādhi yat satyaṃ tadvā śabdanibandhanam vākyapa॰ 2 . 128 . viśeṣā upādhayaḥ kuṇḍalādayo vikārā asatyā yasya satyasya sarvabhedānuyāyinaḥ suvarṇādeḥ sāmānyasya tadabhidhīyate viśeṣairiva sāmānyam . sate hitaṃ prasthaka iti; etaccāyuktam, yasmād dāruprasthakatvādvā samānādhikaraṇīkaraṇād dāruṇyapi sa nāvatiṣṭhetetyatiprasaṅgadoṣaḥ . katham ? yathā dravyatvād dāruprasthakatvābhedastathā dravyatvāt pṛthivyudakādyabheda iti doṣa eva . svamate tu doṣābhāvo guṇotkarṣaścetyata āha --tathābhūtetyādi gatārthaṃ yāvad dahano'gniḥ .