Dvadasharanayacakra 4.6

4.6

yattu sarvaśāstrakriyāvilopaparihārārthaṃ karmādyupasarjanatayā īśvaraprādhānyakāraṇye prokte ādau sa eva svaśaktita eva sākṣād vyāpriyate śarīrādyutpādane dharmādharmamaryādāṃ copadiśati, tadanu dhyānāt puṇyamutpādya dharmādharmamaryādāyāḥ paripālakān brahmādīnādhikārikān viniyuṅkte, ante ca dharmādharmau saṃhṛtya śarīrādivat kuśalākuśalāśayakalaṅkaśuddhaṃ svāpayati . idamanyathaivodgrāhyate īśvarakarmaṇoḥ pradhānopasarjanabhāvābhyupagamād dvaitam, bhāvyate tvanyathā sa eva svaśaktita eva ityavadhāraṇādadvaitārthabhāvanāt sākṣādevāprayojanena kasyacit . evaṃniyamanāyeyamapi bhāvanā--tadanudhyānāttadanu dhyānāt puṇyamutpādya iti . pratyupasaṃhriyate tu dvaitādvaite dve api tyaktvā . advaitasya tyāgastāvad dharmādharmamaryādāsthāpanavacanena . maryādā nāma anatikramasthānam, sukhaduḥkhapravṛttisīmā . tataśca sargādau sthānādyātmake sukhaduḥkhe'pi na syātām, aniyataviṣayatvāt, pralayavat . ante ca syātām, aniyata-